निर्वाचन आयोगले तोकेको योग्यता पूरा नभएकाहरूविरुद्ध जोकसैले पनि उजुरी दिन सक्छ । आयोगले प्राप्त उजुरीमाथि बुधबार र विहीबार जाँझबुझ गरेपछि उम्मेदवारको पहिलो नामावली प्रकाशन गर्नेछ ।
निर्वाचन कार्यक्रमअनुसार वैशाख १६ गते उम्मेदवारी फिर्ता लिने समय तोकिएको छ । पाँच दलीय सत्ता गठबन्धनविरुद्ध अधिकांश कांग्रेसका नेता कार्यकर्ताले उम्मेदवार दर्ता गराएकोले फिर्ता गराउने पहल गरिरहेका छन् ।
वैशाख १७ गते उम्मेदवारको अन्तिम नामावली प्रकाशन गरिने र सोही दिन उम्मेदवारलाई निर्वाचन चिन्ह प्रदान गरिने आयोगले जनाएको छ ।
