एमालेले गैंडाकोट, देवचुली र मध्यबिन्दु नगरपालिकाकामा पुरानै उम्मेदवारलाई दोहोर्याएको छ । एमालेले गैडाकोट बाट नगरपालिका प्रमुखमा छत्रराज पौडेललाई उम्मेदवार बनाउने भएको छ । उनी यसअघि गैंडाकोटकै मेयर थिए । उनी मेयरबाट राजीनामा दिएर पुनः उम्मेदवार बन्न लागेका हुन् ।
यस्तै, देवचुली नगरपालिकाबाट हरी न्यौपाने मेयरका उम्मेदवार बन्ने भएका छन् । उनी यसअघि पनि एमालेबाट मेयरमा पराजित भएका थिए ।
यसैगरी मध्यबिन्दु नगरपालिकामा भीमलाल अधिकारीलाई मेयर उम्मेदवार बनाइएको छ । चोरमाराका नवलपुर बोर्डिङका सञ्चालक अधिकारी गत वर्ष पनि एमालेबाट मेयरमा पराजित भएका थिए ।
यस्तै, कावासोतीबाट एमालेले नगरप्रमुखमा विष्णु भुसाललाई उम्मेदवार बनाएको छ ।
त्यसैगरी, विनयी त्रिवेणी गाउँपालिकाको अध्यक्षमा घनश्याम गिरीलाई उम्मेदवार बनाएको छ ।
यस्तै, पहाडी तीन गाउँपालिकामा हुप्सेकोटको अध्यक्षमा चेतन राना, बुलिङ्गटार अध्यक्षमा दिपेन्द्र सुनारी र बौदीकालीमा प्रकाश ओझालाई उम्मेदवार बनाएको छ ।