निर्वाचन आयोगले सबै उम्मेदवारहरुलाई शनिवार नै निर्वाचन चिन्ह प्रदान गरेको छ । निर्वाचन चिन्ह नपाए पनि दलीय उम्मेदवारले आफ्नो निर्वाचन चिन्हको प्रचारप्रसार गर्दै आएका थिए । स्वतन्त्र उम्मेदवारहरुले भने शनिवार निर्वाचन चिन्ह पाएसँगै चुनाव प्रचारमा लागेका छन् ।
निर्वाचन आयोगको निर्वाचन कार्यतालिका अनुसार शनिबार बेलुकासम्म सबै उम्मेदवारहरुलाई निर्वाचन चिह्न प्रदान गरिएको छ ।
निर्वाचन आयोगले शुक्रबार स्थानीय तह निर्वाचनका उम्मेदवारहरुको अन्तिम नामावली प्रकाशन गरेको थियो । उम्मेदवारहरुले वैशाख २७ गते राती १२ बजेसम्म प्रचारप्रसार गर्न सक्नेछन् । वैशाख २७ गते राती १२ बजेपछि मौन अवधि शुरु हुने आयोगले जनाएको छ ।
स्थानीय तह निर्वाचन यही वैशाख ३० गते विहान ८ बजेदेखि बेलुका ५ बजेसम्म हुनेछ ।
