यस्तै, एकीकृत समाजवादीका मेयर उम्मेदवार बलदेव चौधरीले ९ हजार १ सय ४७ मत ल्याए । प्रारम्भिक मतगणनाका क्रममा एकीकृत समाजवादीका चौधरीले अग्रता लिएका थिए ।
यस्तै, उपमेयरमा एमालेकी महेश्वरी राई १३ हजार ७ सय ३ मत प्राप्त गरी निर्वाचित भइन् । उनको निकटतम प्रतिद्वन्द्वी सरिता राईले ११ हजार ९ सय ८१ मत पाइन् ।
माओवादी केन्द्रका उपमेयरकी उम्मेदवार गीता खड्काले ६ हजार ५ सय ६८ मत पाइन् ।
देशैभरका ७५३ स्थानीय तहमध्ये अब बाजुराको बुढीगंगा नगरपालिकाको मात्रै नतिजा बाँकी रहेको छ । बुढीगंगा नगरपालिकामा बैशाख ३० गते सत्तारुढ कांग्रेस र एमालेले नै बुथ कब्जा गरेपछि आयोगले मत रद्द गरेको छ । यो नगरपालिकामा पुनः मतदान हुने भएको छ ।
अहिलेसम्मकाे परिणाम अाएका ७ सय ५२ पालिकामध्ये नेपाली कांग्रेसले ३ सय २९ स्थानीय तहमा नेतृत्व हत्याएको छ । कांग्रेसले ललितपुर महानगरपालिकासहित १४१ पालिका प्रमुख र १ सय ८८ गाउँपालिका अध्यक्षसहित जित हासिल गरेको छ ।
यसैगरी, नेकपा एमाले ८२ पालिका प्रमुख र १२३ अध्यक्षसहित २ सय ५ स्थानीय तहको प्रमुख जित्दै दोस्रो बन्यो ।
यस्तै, नेकपा माओवादी केन्द्र १२१ स्थानीय तहको नेतृत्व जित्दै तेस्रो स्थानमा रह्यो । माओवादीले एक महानगर, एक उपमहानगरपालिकासहित २५ पालिका प्रमुख र ९६ गाउँपालिका अध्यक्ष जित्यो ।