काठमाडौं \ यो बर्षको दशैका लागी खाद्य व्यवस्था तथा व्यापार कम्पनीले ठुलो परिमाणमा खसीबोका काठमाडौं भित्राएको छ । उपत्यका बाहिर दाङ र हेटौंडाबाट मात्रै झण्डै ५ सय भन्दा बढी खसीबोका काठमाडौ आइपुगेको छ ।
कम्पनीले खसीबोकाको मूल्य तय गरेर शनिबारदेखि बिक्री वितरण थाल्ने बताएको छ ।
बजारमा जिउँदो खसी बोकाको मूल्य ५५० देखि ७५० रुपैयाँसम्म रहेको छ । कम्पनीले बजार भाउ भन्दा सस्तो दरमा बिक्री गर्ने भएको छ ।
कम्पनीले बजार मूल्य नियन्त्रणका लागि भन्दै हरेक वर्षको दशैंमा खसीबोका र च्यांग्रा बिक्री गर्दै आएको छ । तर, यस वर्ष भने खसीबोका मात्रै बिक्री गर्ने कम्पनीले जनाएको छ ।
