नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी (जसपा) र राष्ट्रिय जनमोर्चाले सबै उपमहानगरमा चुनावी तालमेल गरेको थियो ।
उक्त बलियो गठबन्धनकाबीच पनि एमालेले ३ वटा उपमहानगरको मेयर तथा स्वतन्त्र उम्मेदवार एक्लैले ३ उपमहानगरको मेयर जितेका छन् ।
अझ गठबन्धनबाट मेयर निर्वाचित भएको उपमहागरको ७ वटा उपमेयर पद पनि एमालेले नै हत्याएको छ ।
एमालेले बाराको कलैया, दाङको घोराही र तुल्सीपुरको मेयर उपमेयर नै जितेको छ भने स्वतन्त्रले धरान, जनकपुरधाम र धनगढीको मेयर जितेका छन् ।
यस्तै, गठबन्धनले मेयर जितेको जितपुर सिमरा र बुटवल तथा स्वतन्त्रले मेयर जितेको धनगढीमा समेत एमालेले उपमेयर जितेको छ ।
११ उपमहानगरपालिकामा कसले जिते, कसले हारे ?
१) सुनसरीको इटहरी उपमहानगरको मेयर कांग्रेसका हेकमर्ण पौडेल ३३ हजार ०४९ मतले विजयी ।
इटहरी उपमहानगर उपमेयर एमालेकी संगीताकुमारी चौधरी ३२ हजार ४३६ मतले विजयी । गठबन्धनबाट एकीकृत समाजवादीका केशवकुमार विष्टलाई १८ हजार ३१ मतसहित पराजित ।
२) सुनसरीको धरान उपमहानगरको मेयर स्वतन्त्र उम्मेदवार हर्कराज साम्पाङ राई २० हजार ८२१ मतले विजयी । गठबन्धनबाट कांग्रेसका किशोर राई १६ हजार ५९ मतले पराजित ।
धरान उपमहानगरको उपमेयरमा माओवादी केन्द्रका अइन्द्र विक्रम बेघा २० हजार ५१० मतले विजयी ।
३) धनुषाको जनकपुरधाम उपमहानगर मेयर स्वतन्त्र उम्मेदवार मनोजकुमार साह सुडी १३ हजार ४५६ मतले विजयी । गठबन्धनबाट जसपाका लालकिशोर साह ५ हजार १९४ मतले पराजित ।
जनकपुरधामको उपमेयरमा कांग्रेसकी किशोरी साह १५हजार ५२५ मतले विजयी ।
४) बाराको कलैया उपमहानगर मेयर एमालेका विनोद प्रसाद साह २४१७४ मतले विजयी । गठबन्धनबाट कांग्रेसका राजेश राय यादव १८ हजार ५४० मतले पराजित ।
कलैयाको उपमेयरमा एमालेका रौशन परबिन १९ हजार २५१ मतले विजयी । गठबन्धनबाट जसपाका प्रमोद प्रसाद गुप्ता १८ हजार ३०४ मतसहित पराजित ।
५) बाराको जितपुरसिमरा उपमहानगर माओवादी केन्द्रका राजन पौडेल १८ हजार ७४३ मतले विजयी ।
जितपुरसिमरामा उपमेयर एमालेका भोला प्रसाद अधिकारी १७ हजार ४९२ मतले विजयी । गठबन्धनबाट कांग्रेसकी मेघा शाही १५ हजार २४२ मतले पराजित ।
६) मकवानपुरको हेटौडा उपमहानगर एकीकृत समाजवादीकी मीनाकुमारी लामा २३ हजार ७५ मतले विजयी ।
उपप्रमुख कांग्रेसका राजेश बानियाँ ३२५९३ मतले विजयी ।
७) रुपन्देहीको बुटवल उपमहानगर कांग्रेसका खेलराज पाण्डे ३० हजार २४९ मतले विजयी ।
उपमेयर एमालेकी सावित्रादेवी अर्याल २५०६१ मतले विजयी ।
गठबन्धनका जसपा उम्मेदवार चीनबहादुर गुरुङ १७ हजार २३ मत पाएर पराजित ।
८) दाङको घोराही उपमहानगर एमालेका नरुलाल चौधरी ३१ हजार ७२८ मतले विजयी । गठबन्धनबाट माओवादीका हेमराज शर्मा पोखरेल २६ हजार ३६८मतले पराजित ।
घोराही उपमेयरमा पनि एमालेकै हुमकुमारी डिसी ३० हजार ४०३ मतले विजयी । गठबन्धनबाट कांग्रेसका भुपबहादुर डाँगी क्षेत्री ३० हजार ३५४ मतले पराजित ।
९) दाङ तुल्सीपुर मेयर एमालेका टिकाराम खड्का २३ हजार २१३ मतले विजयी । गठबन्धनबाट कांग्रेसका गेहेन्द्र गिरीलाई २१ हजार ५५८ मतसहित पराजित ।
तुल्सीपुरको उपमेयरमा एमालेकै स्यानी चौधरी १७ हजार ९२ मतले विजयी ।
गठबन्धनबाट एकीकृत समाजवादीका जोगबहादुर रानामगर १२ हजार ३२३ मतसहित पराजित ।
१०) बाँके नेपालगञ्ज उपमहानगर मेयर कांग्रेसका प्रशान्त विष्ट २३ हजार ४६० मतले विजयी ।
उपमेयर जसपाका कमरुद्धिन राई १७ हजार ९५० मतले विजयी ।
११) कैलालीको धनगढी उपमहानगर मेयर स्वतन्त्र गोपाल हमाल २६ हजार ८६५ मतले विजयी । गठबन्धनबाट कांग्रेसका नृप बहादुर वड १४ हजार ८१७ मतसहित पराजित ।
धनगढी उपमेयरमा एमालेकी कन्दकला कुमारी राना १५ हजार ४७९ मतले विजयी । गठबन्धनबाट माओवादी केन्द्रकी शान्तिकुमारी अधिकारी क्षेत्री १२ हजार ६७० मतसहित पराजित ।