म्यानमारमा शनिबार आर्म्ड फोर्सेज डे थियो । सोही दिन सेनाको चेतावनीका बाबजुत त्यहाँका नागरिकले सैनिक शासनको विरुद्धमा प्रदर्शन गरे । प्रदर्शनमा सुरक्षा बलले चलाएको गोली लागेर कम्तीमा ९० जना सर्वसाधारणको मृत्यु भएको समाचार छ ।
तर, ९० जना प्रदर्शनकारी मारिएको भए पनि म्यानमारका सेना प्रमुख मिन आङ लाई तथा सेनाका जर्नेलले रातभर भव्य पार्टी गरे । आइतबार विहान मृतकको अन्तिम संस्कार गर्दै गर्दा पनि सेनाले हस्तक्षेप गरेको बीबीसीले जनाएको छ ।
शनिबार ९० जनाको मृत्यु भए पनि सेनाको कदमविरुद्धको प्रदर्शन भने रोकिएको छैन । सेनाले गत फेब्रुअरीमा शासनसत्ता आफूले लिएपछि हालसम्म ४ सयभन्दा बढी प्रदर्शनकारीको मृत्यु भइसकेको छ । त्यसमा पनि शनिबार सबैभन्दा हिंस्रक दिन बन्यो ।
शनिबारको हिंसालाई लिएर विश्वका थुप्रै देशले भर्त्सना गरेका छन् ।
प्रकाशित मिति: सोमबार, चैत १६, २०७७, ०६:३४:००
