सहरी विकास मन्त्रालयमा ल्याण्डफिल साइट रहेका धुनिवेशी नगरपालिका र ककनी गाउँपालिका तथा मन्त्रालय र काठमाडौं महानगरपालिकाबीच सोमबार फोहोर फाल्ने विषयमा त्रिपक्षीय सहमति भएको थियो ।
मंगलबारदेखि नै फोहोर फाल्ने सहमति भए पनि ल्याण्डफिल साइट रहेको बञ्चरेडाँडाका स्थानीयले फोहोर फाल्न अवरोध गरेका छन् ।
सहमतिपछि मंगबार काठमाडौंको फोहोर उठाएर गएका गाडीहरुलाई स्थानीयले बाटोमै रोकेका छन् ।
११ दिनदेखि काठमाडौं तथा ललितपुर महानगरपालिका र अन्य नगरपालिकाहरुको फोहोर उठ्न सकेको छैन । फोहोर सडकमै थुप्रिएकाले दुर्गन्ध बढेपछि महानगरले सडकको फोहोरको थुप्रोमा औषधि छरेर दुर्गन्धमुक्त गराउने प्रयत्न गर्दै आएको छ ।
